Rauði krossinn

Til að geta sinnt öllum okkar mikilvægu verkefnum þurfum við á stuðningi þínum að halda. Hjálpaðu okkur að hjálpa öðrum!

BYRJAÐU AÐ SAFNA

Það er mjög auðvelt að stofna þína eigin söfnun.

SKREF #1

Ákveddu hvaða verkefni Rauða krossins þú vilt styrkja og búðu til þína eigin söfnun .

Möguleikarnir eru fjölmargir. Safnaðu áheitum fyrir afmælið þitt, hlauptu maraþon eða tileinkaðu ástvini framtakið. Veldu heiti og mynd og söfnunin er tilbúin! Hægt er að stofna söfnun sem lið eða einstaklingur.

SKREF #2

Deildu söfnuninni með vinum og vandamönnum og óskaðu eftir framlögum.

Þegar söfnunin er tilbúin er mikilvægt að segja sem flestum frá - þannig nærðu hraðar markmiðinu þínu!

SKREF #3

Þú getur látið gott af þér leiða og haft áhrif.

Við munum deila með þér hvernig við notuðum peningana sem þú safnaðir og hvaða áhrif þú hafðir.

STOFNAÐU ÞÍNA EIGIN SÖFNUN

Verkefni sem þú getur safnað fyrir

Hvaða verkefni Rauða krossinns langar þig að styrkja?

Ekkert vandamál er of lítið eða stórt fyrir Hjálparsímann 1717 og netspjall Rauða krossins en árlega berast um 15 þúsund erindi til 1717 sem eru jafn ólík og þau eru mörg. Þjálfaðir og reynslumiklir sjálfboðaliðar á öllum aldri sjá um að svara þeim samtölum sem 1717 berast.

Frú Ragnheiður vinnur eftir hugmyndafræði skaðaminnkunar þar sem lögð er áhersla á að fyrirbyggja þann skaða og þá áhættu sem hljótast af notkun vímuefna fremur en að fyrirbyggja notkunina sjálfa. Frú Ragnheiður hefur það að markmiði að koma í veg fyrir ótímabær dauðsföll og óafturkræfan skaða sem og að auka lífsgæði og bæta heilsufar einstaklinga sem nota vímuefni í æð með því að veita lágþröskuldaþjónustu í nærumhverfi einstaklinga. Lækkun á tíðni sýkinga og útbreiðslu smitsjúkdóma á borð við HIV og lifrarbólgu C, færri dauðsföll af völdum ofskömmtunar, ábyrgari neysluhegðun og minna af notuðum sprautubúnaði í almenningsrýmum eru á meðal þess ávinnings sem hlýst af verkefninu án mikils tilkostnaðar.

Félagslegu verkefnin okkar miða að því að styrkja og efla félagslega þátttöku þeirra sem taka þátt. Unnið er út frá þörfum notenda hverju sinni og útfærslur verkefnis eru fjölbreyttar. Þátttakan getur verið spjall, gönguferð, ökuferð, upplestur, aðstoð við handavinnu og svo framvegis, en reynt er að mæta óskum notenda eins og kostur er.

Áherslur Rauða krossins á Íslandi í alþjóðastarfi lúta að jafnrétti kynjanna og aukinni vernd berskjaldaðra hópa. Þá er lögð áhersla á að styrkja landsfélög Rauða krossins og Rauða hálfmánans svo þau geti betur sinnt sjálfbæru hjálpar- og mannúðarstarfi í sínum samfélögum. Þá er lögð þung áhersla á draga úr áhrifum loftslagsbreytinga og forvarnir við þeim.

Grunnþjónusta við fólk á flótta og ábyrgð á henni liggur ávallt hjá stjórnvöldum með stuðningi frá öðrum aðilum. Rauði krossinn á Íslandi hefur komið að móttöku og aðlögun flóttafólks með einum eða öðrum hætti frá árinu 1956 og veitir flóttafólki og umsækjendum um alþjóðlega vernd enn þann dag í dag víðtæka þjónustu, m.a. á grundvelli samninga við stjórnvöld. Með stoðhlutverki sínu og öflugum mannauð um land allt getur Rauði krossinn á Íslandi stutt við fólk á flótta eftir fremsta megni

Lítil þúfa veltir þungu hlassi og öll hjálp er vel þegin. Takk fyrir stuðninginn, saman erum við hreyfiafl jákvæðra breytinga.

STOFNAÐU ÞÍNA EIGIN SÖFNUN